على هامش الدويقه

حريه
ديمقراطيه
سياسه
كله عندنا يا ساده
ديكتاتوريه
سياده
فرض أنظمه ملكيه
شعارات كدابه
إيـــــــــــه؟
بايعين القضيه وخيانه
ناهبين الشعب وديابه
الأقوى هما الساده
الضعفاء لسه غلابه
طابور عيش يقف بالساعه
أكل العيش محتاج لحداقه
نور الشمس بيطلع بكفاله
لا مش عندنا يا ساده
مقهورين
محسورين
متبهدلين
لالالا أكيد مش إحنا المقصودين
إحنا شعب المتبغددين
إحنا شعب المتمردين
اللى ابدا مش راضيين
وهتعمل ايه الساده؟
مع شعب مش عاجبه حاجه
قلنا البلد مش عجبانا
باعولنا البلد واه يانــــــا
قلنا رغيف العيش تعبان
قالوا بناقص هو كمان
قلنا رواتب بقالها زمان
قالوا علاوة ومن الان
وفى المقابل رفعنا البنزين كمان
رجعنا وقلنا مش راضيين
ع الحال ده هنفضل جعانين
طب والساده يجيبوا منين
مش كفايه
الديون المتلتلين
والبلاوى المستخبين
كمان يجيلهم شعب مش راضيين
لا مالنـــــاش حق
الساده عملوا اللى عليهم وزياده
ياســـــــــاده
اسمعوا منى الافاده
دول شعب فقريين
فقرانين
عددهم بالملايين
المزيد
ـــــــــــــــــــــــــــــــــــــــــــــــــــــــــ